music and lyrics: Conan Altatis
VERSE 1
Ipailak kuma
Nan layad ko ken sik-a
Ngem yumamyam nan agew
Ulay nan buwan
Iyadin din payew
Ay namulaan
Am-in da, iyadi da
“Inayan,” kanan da
CHORUS
Laylaydek sik-a ngem
Adin kabalin
Nan bilig, wanga ya dagem
Iyadi da am-in
VERSE 2
Idawat ko kuma
Nan layad ko ken sik-a
Ngem lumiget din sey-ang
Ulay din udan,
Iyadin din nuwang
Ed salulungan
Am-in da, iyadi da
“Lawa sa,” kanan da
CHORUS
Laylaydek sik-a ngem
Adin kabalin
Nan bilig, wanga ya dagem
Iyadi da am-in
EXTRO
Ngem nu anggay naseyep da
Mentabon ta ed paraiso
Ipailak ken sik-a
Nan dakdake ay layad ko
No comments:
Post a Comment